OS ÚLTIMOS ARTESÁNS: ARTE E ARTESANÍA
The Wild dedica este espazo para aqueles que teñen o privilexio, a carga e o orgullo de formar parte de todo o proceso de creación do seu produto: dende o deseño e a selección de materiais ata a súa venda e distribución.
Pezas feitas por mans artesás, pezas feitas para durar.
Os artesáns están íntimamente ligados á sustentabilidade por razóns evidentes. Son sempre xente cun compromiso moi forte coa contorna que os rodea. A súa casa é o seu taller, sen grandes instalacións. Os seus produtos mércanse, non se consumen, están feitos para durar porque non queren saber da obsolescencia programada.
The Wild volve organizar, nesta VI edición, este orixinal mercado caracterizado porque a técnica, oficio e creación desenvólvense á vista dos asistentes, e os artistas e artesáns expoñen as súas obras e produtos alí, creando un percorrido de patrimonio vivo.
Artesáns que estarán en The Wild 2024:
- Charo Crochet (Complementos en crochet)
- Elisa Anta (Marroquinería)
- BreakTime Art (Complementos)
- La habitación de Inma (Pezas de fantasía)
- Ana Lago (Xabóns artesanáis)
- Sacrapastas (Galletas de Xián)
- Salve Lunática (Alquimia natural)
- Tattoo Piercing Creativ (Tatuaxes e piercing)
O Mercado celebrarase o 30, 31 de agosto e 1 de setembro no
Merendeiro de San Miguel de Oia (Vigo).
O horario será o seguinte:
- Venres – de 16:00 a 20:00
- Sábado – de 10:00 a 20:00
- Domingo – de 10:00 a 20:00
*Este horario é orientativo, cada artesán é libre de permanecer pechado cando o desexe e pode prolongar o horario de apertura mentres haxa actividades; concertos, DJ etc. En canto esas actividades finalicen deberá pecharse o posto.
